Product Description
ಭಯೋತ್ಪಾದನೆ ಮತ್ತು ಯುದ್ಧೋತ್ಪಾದನೆಗಳಿಂದ ವಿಶ್ವ ತಲ್ಲಣಿಸುತ್ತಿದೆ. ಕೆಲವೊಮ್ಮೆ ಅಪರಾಧಿಗಳು ಆರಾಮವಾಗಿ ತಪ್ಪಿಸಿಕೊಂಡು ನಿರಪರಾಧಿಗಳು ಬಂಧಿಗಳಾಗುವ ಘಟನೆಗಳಿಗೆ ನಮ್ಮ ಸಂದರ್ಭ ಸಾಕ್ಷಿಯಾಗುತ್ತಿದೆ. ಇಂಥ ‘ಸಾಕ್ಷಿ’ಗಳು ಸಾಕ್ಷಿ ಪ್ರಜ್ಞೆಯನ್ನು ಕಾಡಿಸಿದ್ದರ ಫಲ ಈ ಕಿರು ಕಾದಂಬರಿ-‘ಮರಣದಂಡನೆ’. ಇಲ್ಲಿ ಯುದ್ಧೋತ್ಪಾದನೆಯ ಪ್ರಶ್ನೆಯನ್ನು ಪರಿಶೀಲಿಸಿಲ್ಲ. ಅದು ಈ ಕಾದಂಬರಿಯ ವಸ್ತುವಲ್ಲ. ಭಯೋತ್ಪಾದನೆಯನ್ನು ಗಮನದಲ್ಲಿಟ್ಟುಕೊಂಡು ಬದುಕಿನ ವ್ಯಂಗ್ಯ ಮತ್ತು ವೈರುಧ್ಯಗಳನ್ನು ಅಭಿವ್ಯಕ್ತಿಸುವ ಒಂದು ಪ್ರಾಮಾಣಿಕ ಪ್ರಯತ್ನವಾಗಿ ‘ಮರಣದಂಡನೆ’ ಮೂಡಿ ಬಂದಿದೆ. ಕತೆಗಾರನೊಬ್ಬ ಬದುಕಿನ ನಡುವೆ ನಿಂತು ಅನುಸಂಧಾನಿಸುತ್ತ ಅಭಿವ್ಯಕ್ತಿಸುವ ‘ತಂತ್ರ’ದ ಮೂಲಕ, ಸೃಜನಶೀಲ ಸಮಸ್ಯೆ ಮತ್ತು ಸವಾಲುಗಳನ್ನು ಅನಾವರಣಗೊಳಿಸುವ ವಿಶಿಷ್ಟ ಪ್ರಯತ್ನವನ್ನೂ ಈ ಕಾದಂಬರಿಯಲ್ಲಿ ಕಾಣಬಹುದಾಗಿದೆ.