Product Description
ಮನುಕುಲಕ್ಕೆ ಸೂರ್ಯ ನಮಸ್ಕಾರ ಒಂದು ವಿಶೇಷವಾದ ಕೊಡುಗೆಯೆಂದರೆ ತಪ್ಪಾಗಲಾರದು. ಇದು ಕೇವಲ ದೈಹಿಕ ಕಸರತ್ತಾಗದೆ ನಮ್ಮನ್ನು ಸಂಪೂರ್ಣ ಸ್ವಾಸ್ಥ್ಯಕ್ಕೆ ಕೊಂಡೊಯ್ಯುವ ಸೂತ್ರವೂ ಆಗಬೇಕು. ಈ ಪವಿತ್ರವಾದ ಸೂರ್ಯ ನಮಸ್ಕಾರದ ಅಭ್ಯಾಸದೊಂದಿಗೆ, ಮಾನಸಿಕ ಸಮತೋಲನವನ್ನು ಕಾಯ್ದುಕೊಳ್ಳಲು ಪ್ರೇರಕವಾಗುವ ಕೆಲವು ಸಾತ್ವಿಕ ಭಾವನೆಗಳು ಮತ್ತು ನಡೆ-ನುಡಿಗಳನ್ನು ಜೋಡಿಸಿದರೆ, ಹಾಲಿಗೆ ಜೇನನ್ನು ಸೇರಿಸಿದಂತಲ್ಲವೇ?
ಈ ಪುಸ್ತಕದಲ್ಲಿ ಅಂತಹ ಪ್ರಾಮಾಣಿಕ ಪ್ರಯತ್ನ ಮಾಡಲಾಗಿದೆ. ಈ ಪ್ರಯತ್ನಕ್ಕೆ ಪತಂಜಲಿ ಮಹರ್ಷಿಗಳ ಯೋಗಸೂತ್ರದಲ್ಲಿ ನಿರೂಪಿತವಾಗಿರುವ ಅಷ್ಟಾಂಗಯೋಗದ ಮಜಲುಗಳು ಮತ್ತು ಭಗವದ್ಗೀತೆಯ 13ನೇ ಅಧ್ಯಾಯದಲ್ಲಿ ಉಲ್ಲೇಖಿಸಿರುವ ಕೆಲವು ಸಾತ್ವಿಕ ಭಾವ ಮತ್ತು ಆಚರಣೆಗಳೇ ಪ್ರೇರಕ. ಈ ನಿಟ್ಟಿನಲ್ಲಿ ಮೌಲ್ಯಾಧಾರಿತ ಜೀವನವನ್ನು ನಡೆಸಿ ಆದರ್ಶ ಪ್ರಾಯರಾದ ಕೆಲವು ಮಹನೀಯರ ಬಾಳಿನಲ್ಲಿ ನಡೆದ ಘಟನೆಗಳನ್ನು ಈ ಪುಸ್ತಕದಲ್ಲಿ ಉಲ್ಲೇಖಿಸಲಾಗಿದೆ.